സര്‍ക്കാര്‍ ഓഫീസുകള്‍ പൂര്‍ണ്ണമായും സ്വതന്ത്രസോഫ്റ്റ്‍വെയര്‍ അടിസ്ഥാനപ്പെടുത്തിയാകണം എന്നതാണ് സര്‍ക്കാര്‍ നയം.
ജാവ അടിസ്ഥാനമാക്കി പ്രവര്‍ത്തിക്കുന്ന ഡിജിറ്റല്‍ സിഗ്നേച്ചര്‍ ടോക്കണ്‍ ഡിവൈസിന്റെ ഡ്രൈവറുകള്‍ പ്രവര്‍ത്തിക്കാനാവശ്യമായ എല്ലാ സ്വതന്ത്രസോഫ്റ്റ്‍വെയര്‍ യൂട്ടിലിറ്റികളും കൈറ്റ് തയ്യാറാക്കിയ ഐ. ടി. @ സ്കൂള്‍ ഗ്ന‍ൂ/ലിനക്സ് 18.04 ഓപ്പറേറ്റിംഗ് സിസ്റ്റത്തില്‍ ഇപ്പോള്‍ ഇന്‍സ്റ്റാള്‍ ചെയ്യാന്‍ സാധിക്കും. ഡിജിറ്റല്‍ സിഗ്നേച്ചര്‍ ടോക്കണ്‍ ഡിവൈസുകളായി ഓഫീസുകളില്‍ ഉപയോഗിക്കുന്ന ട്രസ്റ്റ് കീ, പ്രോക്സ് കീ, ഈ പാസ് എന്നിവ സ്പാര്‍ക്കില്‍ ഉപയോഗിക്കാനാവശ്യമായ ക്ലയന്റ് സോഫ്റ്റ്‍വെയറും സോഫ്റ്റ‍്‍വെയര്‍ ഇന്‍സ്റ്റാള്‍ ചെയ്ത് BIMS, സ്പാര്‍ക്ക് വെബ്‍സൈറ്റുകളില്‍ രജിസ്റ്റര്‍ ചെയ്യാനും ആവശ്യമായ പാക്കേജും സഹായകഫയലും ചുവടെ തന്നിരിക്കുന്നു. ഐ. ടി. @ സ്കൂള്‍ ഗ്ന‍ൂ/ലിനക്സ് 14.04 ഓപ്പറേറ്റിംഗ് സിസ്റ്റത്തില്‍ ഇത് ഉപയോഗിക്കാമെങ്കിലും 32 ബിറ്റ് കംപ്യൂട്ടറുകളിൽ ഇവ ഇൻസ്റ്റാൾ ചെയ്യുന്നതിന് കൂടുതൽ പാക്കേജുകൾ ആവശ്യമായി വന്നേക്കാം. അത്തരം സന്ദർഭങ്ങളിൽ മാനുവല്‍ ആയി പാക്കേജുകൾ ഇൻസ്റ്റാൾ ചെയ്യുകയാണ് വേണ്ടത്.
No comments:
Post a Comment
Note: only a member of this blog may post a comment.